Mikita ўзьляцеў на «Неба» (аўдыё+відэа)

Мікіта Ігнаценка сёлета на ўздыме — ягоны праект прызнаны адкрыцьцём году ў беларускай музыцы на прэміі «Героі году», а песьня «Неба» названая «Песьняю году па-беларуску» на АНТ. Яе жывая вэрсія бярэ ўдзел у зімовым туры аўдыёчарту на TuzinFM.

Лідэр праекту Мікіта Ігнаценка распавядае, што песьню «Неба» стварыў разам з таленавітым музыкам Андрэем Варанцовым, зь якім вучыўся ў школе. Цяпер Андрэй жыве ў Польшчы і ўсур’ёз займаецца электроннай музыкай. Сам жа Мікіта выправіўся ў Расею вучыцца і пачаў там рабіць кар’еру, але вырашыў вярнуцца на Радзіму ды заснаваў беларускамоўны электра-поп праект. Пра сваю небанальную гісторыю жыцьця сьпявак распавёў у праграме Belsat Music Live. Песьня «Неба» была запісаная акурат для гэтай праграмы.

Глядзець выданьне Belsat Music Live з удзелам Mikita

Cёлета Mikita быў прызнаны адкрыцьцём году на прэміі «Героі году», а таксама атрымаў узнагароду на дзяржаўным тэлеканале AНТ у праекце «Песьня году» за найлепшую беларускамоўную песьню году. Сачыць за навінамі Мікіты можна праз афіцыйную суполку.

Mikita — Неба (музыка Мікіты Ігнаценкі і Андрэя Варанцова, словы Мікіты Ігнаценкі)

TuzinFM

Ты побач

Я чую гэта

Ты неба

А я камэта

Ты верыш

І я трымаюся

Ты побач

І я зьвяртаюся

Дзе я

Дзе ты

Каханьне

Што паміж намі

Імгненьне

Як твая мара

Сьвітанак

І наша неба

Ты неба

А я камэта

Дзе я

Дзе ты