2192 / 0
18.11.2013

Паэзію Яна Маўзэра палічылі за высокую (відэа)

Вершы Яна Маўзэра, колішняга франтмэна гурта Mauzer, трапілі ў відэапраект «Літара А».

Кампанія ў Маўзэра больш чым пачэсная. Удзельнікі праекту чытаюць Багдановіча, Сыса, Купалу, Янішчыц. Завадатары праекту «Літара А» хлопец-мадэль Дзяніс Бурко ды рэжысэр Павал Доўнар хочуць прыцягнуць увагу сучаснай моладзі да самых выдатных беларускіх паэтычных твораў.

У праекце два вершы Янкі Маўзэра — «Ты» і «Я застануся». Сам выканаўца ў камэнтары для Tuzin.fm. зазначыў, што знаходзіць гэтую ідэю абсалютна выдатнай. «Праўда, у відэа на „Я застануся“ ёсьць колькі несупадзеньняў з рэальным тэкстам. Да ўсяго, гэта менавіта тэкст ды яшчэ і даўні. Спыталіся б у мяне, я б ім даў нешта больш сьвежае і крутое», — зазначыў Маўзэр. 

Дарэчы, ані з паэзіі, ані з музыкі Янка не сыходзіць, але пакуль пра свае новыя музычныя задумы не гатовы абвесьціць.

Tuzin.fm  

Тэгi: