Зьміцер Вайцюшкевіч
Сьпявак і музыка. Пачаў кар'еру ў гурце "Палац" (1992-1998) і "Крыві" (1998-2001). Як сольны выканаўца дэбютаваў у праекце "Народны альбом" (1997), выканаў загалоўную песьню праекту "Я нарадзіўся тут" (2001). З 2001 году выступае сольна і з гуртом WZ-orkiestra. Дыскаграфія налічвае блізу 20 альбомаў, у тым ліку на вершы Л.Дранько-Майсюка, А.Камоцкага, Р.Барадуліна, У.Някляева, У.Маякоўскага, В.Шугалея, У.Караткевіча. Перамогі на "Рок-Каранацыі" ў намінацыях "Музыка году" (2001), "Сьпеўная паэзія" (2006), "Выканаўца году" (2009)
Баю-бай
Творчае трыё ў складзе сьпевака і кампазытара Зьмітра Вайцюшкевіча, паэта Ўладзімера Някляева і рэжысэра-аніматара Сяргея Кастрыцкага прэзэнтуе на TuzinFM плён сваёй чарговай супрацы.
Валёначак сьвятога Мікалая
Зьміцер Вайцюшкевіч прэзэнтаваў кліп на зусім новую песьню «Валёначак сьвятога Мікалая» аўтарства Ўладзімера Някляева. Трэк запісаны разам з гуртом «Разьбітае сэрца пацана».
Калядка
У зімовым туры на TuzinFM бярэ ўдзел відэа на песьню «Калядка» Зьмітра Вайцюшкевіча. Сам выканаўца называе яе «шалёным экспэрымэнтам».
Калі заўтра роўна ў шэсьць
На TuzinFM прэм’ера новага кліпу Зьмітра Вайцюшкевіча «Калі заўтра роўна ў шэсьць», які зрабіў аніматар Сяргей Кастрыцкі.
На Каляды
Зьміцер Вайцюшкевіч і WZ-orkiestra прадстаўляюць у новым туры відэачарту на Tuzin.fm анімацыйны ролік на песьню «На Каляды».
Дачакайся, матуля
Зьміцер Вайцюшкевіч прадстаўляе на Tuzin.fm кліп на песьню «Дачакайся, матуля» ў дзень нараджэньня Генадзя Бураўкіна.