Сёлета на кінафестывалі «Лістапад» ня будзе традыцыйных прызоў ад Лукашэнкі
230 / 0
03.11.2020

Сёлета на кінафестывалі «Лістапад» ня будзе традыцыйных прызоў ад Лукашэнкі

Пра гэта Беларускаму фонду культурнай салідарнасці паведамілі крыніцы з аргкамітэту фестывалю.

Узнагарода Лукашэнкі «За гуманізм і духоўнасць у кіно» ўручалася фільмам з духоўнай і маральнай праблематыкай.

Прыз «За захаванне і развіццё духоўнасці ў кінамастацтве» ўручалі ўдзельнікам фестывалю, якія зрабілі значны ўнёсак у развіццё кінематографа і ўвасабленне ў ім гуманістычных і духоўна-маральных ідэалаў.

«Мы перакананыя: недаступнасць культуры вядзе да згубы цывілізацыі. Гісторыя даказвала гэта не раз. Кінафестываль “Лістапад” стаў часткай нацыянальнай культуры. Усяму свету ён адкрывае беларускае кіно. Мы хочам, каб і нацыянальнае мастацтва, і наша гісторыя сталі часткай культуры сусветнай.

«Лістапад» - праваднік ідэй і светапоглядаў, дыялог мастака з намі пра сённяшні дзень, яго пазіцыя і яго прасвятленні. Герой усіх нашых фільмаў - чалавек свабодны і ствараючы. Сцвярджаць гэта - наша місія тут і цяпер.

З намі салідарныя сябры і калегі, кінематаграфісты ўсіх краін свету, дырэкцыі міжнародных фестываляў, оскараўскія лаўрэаты, кінакрытыкі і прадстаўнікі сусветных медыя. Гэта наша цвёрдае перакананне, наша вера і наша надзея», – гаворыцца ў каментары каманды фестывалю.

Таксама з сайту кінафестывалю прыбралі інфармацыю пра Генадзя Давыдзьку, які 10 год быў старшынём журы.

Тэгi:
за тыдзень
за тры месяцы