Варвары
740 / 0
25.01.2019

«Паразыты на трупе айчыннага року». Дэбютны кліп «Района 119»

Гурт «Район 119» прэзэнтуе ў відэачарце на TuzinFM кліп на песьню «Варвары» ананімнага рэжысэра.

Кліп на трэк «Варвары» музыкі называюць відэадзёньнікам першых крокаў сваёй каманды, бо ў яго ўвайшлі кадры з першых выступаў, рэпэтыцыяў ды бэкстэйдж за першыя паўгады існаваньня. «Дзеля эстэтыкі мы ўключылі і мастацкія кадры, якія адпавядаюць тэматыцы песьні: мы быццам варвары ўзьніклі зь ніадкуль на прасторах правінцыяў дзеля таго, каб паразытаваць на трупе айчыннага рок-н-ролу», – кажа лідэр каманды Андрэй Кавецкі. Больш падрабязьней сваю пазыцыю музыкі выклалі ў інтэрвію TuzinFM летась.

Рэжысэрам кліпа выступіў добры сябра гурта, менскі youtube-блогер, які з пэўных прычынаў папрасіў не агучваць свае імя. Цалкам увесь відэаматэрыял для кліпа быў зьняты на працягу трох дзён у цэнтры вячэрняга Менску, а таксама на выступах у закрытым на дадзены момант кафэ «Лофт» ды рэпэтыцыйнай базе на плошчы Якуба Коласа.

Район 119 – Варвары (рэж.невядомы)

TuzinFM