У гіт-парад трапляюць песьні беларускіх музыкаў, запісаныя ў апошні год. Агулам зьбіраецца 12 удзельнікаў туру — г. зв. тузін. Разьмяшчэньне песьні ўзгадняецца з выканаўцамі (праваўладальнікамі). Музычны кірунак ролі ня грае, мова твору — беларуская.

Кожны тур гіт-параду цягнецца каля двух месяцаў. Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага гіта, у якім удзельнічаюць усе песьні сэзону. 

Песьня мусіць быць прадастаўлена ў добрай якасьці (не ніжэй за 192Kbs). Песьні ў абавязковым парадку запампоўваюцца на сэрвэр парталу TuzinFM.

Права прыняцьця канчатковага рашэньня аб уключэньні або неўключэньні ў гіт-парад песень, кліпаў і альбомаў рэдакцыя парталу пакідае за сабой.

Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт у сацыяльнай сетцы (Facebook, «УКантакце») адзін раз на суткі, абіраючы адну, дзьве або тры песьні.

657 / 0
20.05.2019
Пташко

Пташко

Віцебскі фольк-рок-гурт прысьвяціў свой новы кліп на песьню «Пташко» году арла, што лунае.

759 / 0
16.05.2019
Вандроўнік

Вандроўнік

Гурт Adliga прэзэнтуе ў відэачарце на TuzinFM кліп на сваю дэбютную кампазыцыю «Вандроўнік». Гэтая праца стала дэбютам і для рэжысэра Андрэя Перасьмешніка.

683 / 0
14.05.2019
Анёл

Анёл

Гурт BarRokka прэзэнтуе ў новым туры відэачарту кліп на песьню «Анёл», які зьняла рэжысэрка Аляксандра Сяглюк.

994 / 0
04.05.2019
Дзед Барадзед

Дзед Барадзед

Гурт «Дом сувязі» прэзэнтуе дэбютны кліп на песьню пра Дзеда Барадзеда, якая лідзіруе ў вясновым аўдыёчарце на TuzinFM.

1077 / 0
24.04.2019
Хмаркі

Хмаркі

Кліп на песьню электра-фольк-праекту распавядае пра лёс трансгендарнай дзяўчыны і прысьвячаецца памяці Мішы Пішчэўскага, які быў зьбіты на глебе гамафобіі і памёр.

898 / 0
22.04.2019
Лепшыя на сьвеце

Лепшыя на сьвеце

У новым туры відэачарту возьме ўдзел кліп рэжысэра Арцёма Лобача на чарговую песьню з альбому «Гравітацыя» — «Лепшыя на сьвеце».

895 / 0
18.04.2019
Спартанцы

Спартанцы

Гурт Rostany прэзэнтуе ў новым туры відэачарту на TuzinFM кліп-драму рэжысэра Міхаіла Пархоменкі на песьню «Спартанцы».

Тэгi:
663 / 0
15.04.2019
Вёска

Вёска

Чарговы кліп Піліпа Беспамылковага прысьвечаны вясковай тэматыцы. Выканаўца заклікае не забывацца на свае карані.

1100 / 0
11.04.2019
Гімн

Гімн

У новым туры відэачарту на TuzinFM бярэ ўдзел кліп гурта By Cry «Гімн», які быў зьняты на возеры Глухім.

1664 / 1
06.04.2019
Па вадзе

Па вадзе

Рок-гурт Atesta з 14-гадовай Ульлянай Паўловіч прэзэнтуе ў відэачарце на TuzinFM cвой дэбютны кліп, які быў зьняты ў вандроўцы па Нарвэгіі.

1143 / 0
02.04.2019
Белая ружа

Белая ружа

Гурт Yellow Power прэзэнтуе ў відэачарце на TuzinFM свой першы кліп «Белая ружа», які быў зьняты пад уражаньнем ад прыроды і мітаў Браслаўскага краю.

1713 / 0
26.03.2019
Красна сонца

Красна сонца

Этна-джазавы праект зь Лісабону прэзэнтуе ў відэачарце на TuzinFM свой дэбютны кліп на песьню «Красна сонца».