Мэтро
2767 / 0
21.12.2017

«Мутнаевока». Вандроўка па тунэлях душы (аўдыё+відэа)

Гурт «Мутнаевока» прэзэнтуе ў зімовым туры на TuzinFM новую песьню «Мэтро», якая была запісаная ў студыі праграмы Belsat Music Live.

Аўтар песьні і вакаліст гурту Яўген Змушка называе «Мэтро» споведзьдзю. «Яна адрасаваная каханаму чалавеку дзеля таго, каб уратаваць яго ад пакутаў, якія ўжо загадзя вядомыя аўтару пасланьня. Мэтро тут — як чалавечы лёс, гэта таямнічыя тунэлі душы. У іх цёмна, халодна, таямніча. Але абавязкова ёсьць сьвятло пры канцы». Песьня «Мэтро» будзе запісаная для новага альбому каманды і ўжо выконваецца на канцэртах. У чарце на TuzinFM бярэ ўдзел жывая вэрсія кампазыцыі, запісаная для праграмы Belsat Music Live.

Глядзець цалкам выданьне Belsat Music Live з удзелам гурту «Мутнае вока»

Сачыць за навінамі гурту можна праз афіцыйную суполку.

Мутнаевока — Мэтро (музыка гурту, словы Яўгена Змушкі)

TuzinFM

Пальцы і рукі

памятаюць

Цёплыя абдымкі,

Гарачы напой,

Тонкія халодныя струны,

Страляй, страляй, страляй

У сьпіну мне, я ж ведаю, усе

Халастыя твае рыкашэтам

Гукнуцца ў самотным тунэлі.

 

Пакінь мне на памяць

Каляровы кавалак.

У мэтро не пускаюць,

А на неба так рана.

 

Дэманы хаваюцца там,

Дзе плачуць багí,

Адракаюцца людзі,

Я цябе туды не аддам,

Я там ведаю многіх,

Ведаю многіх.

Дэманы хаваюцца там,

Дзе салодка аддацца

Спакусам апоўначы,

Гэта як на раны бальзам,

Толькі сэрца ў грудзях

Усё адно краваточыць.