Маяк
2583 / 2
22.03.2016

NGe. Лепей ня будзе, будзе яшчэ лепш (аўдыё)

Гурт NGe прадстаўляе ў аўдыёчарце на Tuzin.fm новую песьню «Маяк». Музыкі заклікаюць верыць у свае ўласныя сілы і ўпарта ісьці да пастаўленай мэты.

Песьня «Маяк» — гэта вынік пошукаў новага гучаньня гурта NGe. «Яна поўніцца пазытывам і імкненьнем, верай ва ўласныя сілы, — распавядае аўтарка кампазыцыі і вакалістка каманды Вольга Баразна. — Наш твор пакліканы натхніць людзей упарта ісьці да мэты і не апускаць рукі. Гэта заклік да дзеяньня, нягледзечы на страх няўдачы».

Гэтая песьня для каманды Вольгі — першы вопыт выкарыстаньня электронікі ў аранжыроўках і адначасова першы сынгл з будучага поўнафарматнага альбома, які плянуецца да выданьня ў траўні гэтага году. Будучы рэліз аб’яднае ў сабе жорсткія гітарныя кампазыцыі, напаўпразрысты трып-гоп і экспэрымэнты з электронікай. «Наш альбом будзе складацца пераважна зь беларускамоўных трэкаў, розных з настрою і стылістыкі, але аб’яднаных агульным гучаньнем», — кажа Вольга.

Сачыць за навінамі каманды можна праз афіцыйную суполку.

NGe — Маяк (музыка і словы Вольгі Баразны). Зьмяшчаецца са згоды выканаўцы.

Tuzin.fm

Усе дарогі самі пераблыталі,

Сьцежкамі забытымі крочылі ўначы.

Ногі босыя да крыві пабітыя

І нічога ў цемнай далечы.

Толькі не пакідай усё так,

Недзе наперадзе, я адчуваю,

Хтосьці зладзіў маяк,

Мы адшукаем, яго адшукаем

 

Поўнымі ўспамінамі набытымі,

Уласнымі вачамі бачылі сьвятло,

Не маяк то быў мы пераблыталі,

Шостае пачуцьцё нас сюды вяло.

Толькі не пакідай усё так,

Недзе на беразе, я так жадаю,

Мы збудуем маяк

усім, хто блукае, па сьвеце блукае.

Толькі не забывай,

Не пакідай усё так!

КАМЕНТАРЫ:

  • Алесь Лютыч
    Алесь Лютыч / адказаць
    23.03.2016 / 10:51

    трэк трэба перасвесцi.

  • Прохор Мефодиев
    Прохор Мефодиев / адказаць
    20.07.2016 / 02:15

    Так, маеш рацыю. Трэба перавесці яго ў другі дывізіён.

  • КАМЕНТАВАЦЬ