О Божа мой
5823 / 2
04.12.2015

Akute. Бог — свойскі хлопец (аўдыё)

Магілёўскі гурт прадстаўляе на Tuzin.fm сваю новую песьню «О Божа мой», у якой музыкі вядуць размову з Богам, як з даўнім сябрам.

«О Божа мой» — першы самотнік з будучага альбому гурта. Музыку напісалі Стас Мытнік і Рома Жыгараў, а тэкст належыць Рому. «Песьня „О Божа мой“ — гэта размова з Богам як з даўнім сябрам, размова інтымная і містычная», — гэтак прадстаўляюць яе музыкі. Трэк запісаны з новай удзельніцай калектыву — за бубнамі ў Akute цяпер Vicky Fates. У запісе ўзяў удзел і чацьверты студыйны ўдзельнік гурта — Арцём Кузьняцоў (DJ Pryzma). Менавіта пад яго кіраўніцтвам быў знойдзены біт з олдскульнай драм-машыны, які пасаваў да тэксту. Зьвядзеньне песьні было зроблена ў Кіеве, Зьмітром Іванеем.

Праца над чацьвертым нумарным альбомам працягваецца. Музыкі выконваюць частку новага матэрыялу ў межах свайго туру «Ўсё павернецца», які праходзіць па гарадах Беларусі і Ўкраіны. За навінамі каманды можна сачыць праз афіцыйную суполку.

Песьня «О Божа мой» возьме ўдзел у 5-м туры аўдыёчарту на Tuzin.fm.

Akute — О Божа мой (музыка Стаса Мытніка і Рамана Жыгарава, словы Рамана Жыгарава). Зьмяшчаецца са згоды выканаўцы.

Tuzin.fm

Мы з табой сядзелі

У начным гатэлі

Нам было так радасна глядзець

Як яны гарэлі

Ты дарыў мне вечнасьць

У дыму адной на двух цыгарэт

 

О божа мой, сачы за мной

І паўтарай і паўтарай

О божа мой

 

Як мы тармазілі

На адзінай хвалі

Сустракаючы і сьмерць і жыцьцё

Як мы танцавалі

Ты рабіў усё празрыстым

Заміраючым нябёсным айцом

КАМЕНТАРЫ:

  • Jan Mauzer
    Jan Mauzer / адказаць
    04.12.2015 / 10:38

    Адна з найлепшых беларускіх каманд. Людзі, якія адчуваюць прыгажосьць. Чытаю, часам, злараднае: "Ужо зьбіраюць менш, чым раней, хе-хе". А я думаю, што гэта ня важна - у кожнай творчай адзінкі ёсьць узьлёты й падзеньні папулярнасьці. Ганаруся, што вырас у адным горадзе, у адной краіне з гэтымі рабятамі.

  • Никитка Карпук
    Никитка Карпук / адказаць
    18.01.2016 / 01:18

    +1!Янка, як заусёды у самую сярэдзiну_)

  • КАМЕНТАВАЦЬ