У гіт-парад трапляюць песьні беларускіх музыкаў, запісаныя ў апошні год. Агулам зьбіраецца 12 удзельнікаў туру — г. зв. тузін. Разьмяшчэньне песьні ўзгадняецца з выканаўцамі (праваўладальнікамі). Музычны кірунак ролі ня грае, мова твору — беларуская.

Кожны тур гіт-параду цягнецца каля двух месяцаў. Пасьля падвядзеньня вынікаў галасаваньня, чарт абнаўляецца цалкам, і галасаваньне пачынаецца спачатку. Улетку праводзіцца мэгатур па вызначэньню найлепшага гіта, у якім удзельнічаюць усе песьні сэзону. 

Песьня мусіць быць прадастаўлена ў добрай якасьці (не ніжэй за 192Kbs). Песьні ў абавязковым парадку запампоўваюцца на сэрвэр парталу TuzinFM.

Права прыняцьця канчатковага рашэньня аб уключэньні або неўключэньні ў гіт-парад песень, кліпаў і альбомаў рэдакцыя парталу пакідае за сабой.

Галоўнае патрабаваньне да ўдзельнікаў гіт-параду ды іх прыхільнікаў весьці шчырую барацьбу. Галасаваць можна зарэгістраваным на сайце карыстальнікам, а таксама зайшоўшы ў свой акаўнт у сацыяльнай сетцы (Facebook, «УКантакце») адзін раз на суткі, абіраючы адну, дзьве або тры песьні.

Mp3
4207 / 2
18.08.2015
Гэта я

Гэта я

Кампазыцыю «Гэта я» на словы паэта Барыса Жанчака выканалі яго жонка — кампазытар і сьпявачка Ларыса Сімаковіч і яго сын Ян — лідэр гурта In Search For.

3294 / 1
31.07.2015
Маладосьць

Маладосьць

На беларускай мове загучала самая знакавая і важная песьня гурта U.G.Oslavia — «Маладосьць». Музыкі прадстаўляюць свой беларускамоўны дэбют на Tuzin.fm.

4663 / 5
07.07.2015
Малітва

Малітва

На дзень народзінаў Янкі Купалы гурт Naka прадстаўляе на Tuzin.fm сваю новую песьню «Малітва», напісаную на словы клясыка.

6537 / 2
16.06.2015
Песенька

Песенька

Праект Shuma прэзэнтуе ў аўдыёчарце на Tuzin.fm сваю «Песеньку», якая суправаджае абрад «пахаваньне стралы». Музыканты просяць лічыць тое, што яны робяць ня фолькам, а сучаснай электроннай музыкай.

4105 / 0
15.06.2015
Дзе ты?

Дзе ты?

Гурт «Здань» прадстаўляе ў 16-м туры на Tuzin.fm сваю песьню «Дзе ты?». Музыкі заўжды граюць яе на пачатку, бо гэты твор дапамагае ім увайсьці ў іншае вымярэньне.

Тэгi: Здань
11574 / 17
09.06.2015
Будзь злой

Будзь злой

Новы праект Янкі Маўзэра «МАМА» прадстаўляе на Tuzin.fm сьвежы трэк «Будзь злой», які возьме ўдзел у апошнім туры ў музычным сэзоне 2014—2015.

8386 / 0
04.06.2015
Жыве Беларусь!

Жыве Беларусь!

У 15-м туры сэзону 2014/2015 на Tuzin.fm Зьміцер Вайцюшкевіч прадстаўляе сваю песьню «Жыве Беларусь», напісаную на словы Ўладзімера Някляева.

2818 / 1
02.06.2015
яМы

яМы

У 15-м туры ў сэзоне 2014/2015 на Tuzin.fm Sp Kava прадстаўляе свой трэк «яМы». Яго не цікавяць фальклёр і палітычныя расклады, хоць ён падкрэсьлена беларускамоўны і можа выказацца жорстка па тэме.

5032 / 4
28.05.2015
#вяртаеммову

#вяртаеммову

У новым туры аўдыёчарта гурт Zatoczka прадстаўляе трэк «#вяртаеммову» i зьвяртаецца да наведнікаў Tuzin.fm з заклікам узяць удзел у стварэньні клiпа на гэтую песьню.

3659 / 0
29.04.2015
Гаснуць

Гаснуць

Гурт Yamaya прэзэнтуе на Tuzin.fm самотнік «Гаснуць», у якім адлюстраваная хаатычная і трывожная прыгажосьць сьмерці і адраджэньня.

7745 / 3
28.04.2015
Няма каханьня

Няма каханьня

Праект Angst прадстаўляе свой першы трэк «Няма каханьня», запісаны пры ўдзеле Алеся Ката-Зайцава. Выканаўца асэнсоўвае стасункі маладой пары ў той момант, калі стомленасьць адно адным ужо назьбіралася.

4487 / 3
15.04.2015
Мінулае

Мінулае

Гурт «Майтай» прэзэнтуе на Tuzin.fm свой новы беларускамоўны самотнік «Мінулае». Андрэй Дзяркоў шукае адказу на пытаньне як захаваць памяць пры дапамозе як усходняй, так і заходняй філязофіі.